वर्तमान संविधान र राज्य पुनर्संरचना अनुसार ७७ वटा जिल्लाहरु मध्ये हालको ५ नं प्रदेश रुकुम पूर्व जिल्लाको सिस्ने गा.पा. वडा नं ५ मा स्थापित श्री रुक्मिणी माध्यमिक विद्यालय रुकुमकोट रुकुम जिल्लाकै एक मात्र पुरानो सामुदायिक विद्यालय हो । यस विद्यालयमा हाल प्रारम्भिक बालशिक्षा देखि १२ कक्षा सम्मको साधारण धार सम्मको पठनपाठन सञ्चालन हुनुको साथै कक्षा ९ देखि १२ सम्म प्राविधिक धार तर्फको कृषि बालिविज्ञान विषय र CTEVT बाट सम्बन्धन प्राप्त गरेको १८ महिने कृषि J.T.A. अन्तर्गतको बालिविज्ञान पठनपाठन हुदै आएको छ । 

साधारण धार तर्फ पनि कक्षा ११ १२ मा विज्ञान, विज्ञान शिक्षा, शिक्षा र मानविकी सङ्काय सञ्चालन हुदै आएको छ । साविकको रुकुमको पूर्वी क्षेत्रका करिव १६/१७ वटा गा.वि.स.का विद्यार्थीहरुले यस विद्यालयलार्इ अध्ययनको केन्द्र विन्दु भनिरहेका छन् भने अहिले पनि जिल्लाका ३ वटै गाउँपालिका सिस्ने, भूमे र पुथा उत्तरगंगा गाउँपालिकाका बासिन्दा देखि जिल्ला बाहिरका रोल्पाको थवाङ रुकुम पश्चिमको साँख, छिङ, पिपल आदि गाउँवस्ति देखि विद्यार्थीहरु अध्ययन गर्न आइरहेको अवस्था छ । 

यस विद्यालयमा हाल स्थायी दरबन्दीमा ७ जना राहत कोटामा १ जना, अस्थायी करार कोटामा २ जना, अनुदानमा १जना र निजी श्रोतमा २ जना गरी जम्मा १३ जना शिक्षक कार्यरत रहेका छन् भने प्राविधिक धार तर्फको पठनपाठनको निम्ति माध्यमिक तह अस्थायी करार कोटामा २ जना प्रशिक्षक, २जना सहायक
प्रशिक्षक र १ जना प्रशिक्षण सहायक (ल्याव ब्वकय) गरी ५ जना कार्यरत रहेको अवस्था छ । आधारभूत तह अन्तर्गत कक्षा नर्सरी देखि ८ कक्षा सम्म पठनपाठन गर्नका निम्ति स्थायी दरबन्दिमा १२ जना, अनुदान कोटामा २ जना, १जना
निजी स्रोतमा गरी जम्मा १४ जना कार्यरत रहेको अवस्था छ भने विद्यालय कर्मचारीको रुपमा ५ जना कार्यरत रहेको अवस्था छ । 

यसरी यस विद्यालयमा हाल ३७ जना शिक्षक कर्मचारी कार्यरत रहेका छन भने ८४६ जना विद्यार्थीहरुले अध्ययन गरिरहेका छन् । यस विद्यालयको इतिहासलार्इ दृष्टिगत गर्दा वि.स. १००४ सालमा प्रथमिक तह, वि.स. २०१८ सालमा निम्न माध्यमिक तह, वि.स. २०२३ सालमा माध्यमिक तह हुदै वि.स. २०५४ सालमा उच्च माध्यमिक तह सम्म पठनपाठन गर्न तहगत खुड्किलो पार गरेको विद्यालय हो । 

यसरी नै विषयगत सङ्कायको रुपमा पठनपाठन गर्ने क्रममा कक्षा ११/१२ अन्तर्गत वि.स. २०५४ सालमा मानविकी, वि.स. २०५७ सालमा शिक्षा सङ्काय वि.स. २०६७ सालमा शुद्ध विज्ञान सङकाय, वि.स. २०७१ सालमा CTEVT बाट सम्बन्धन प्राप्त गरी १८ महिने कृषि जेटिए सञ्चालन गरिरहेको सामुदायिक विद्यालय हो ।